Сарыарқа Торпедоны қабылдайды, елордада жергілікті текетірестің екінші бөлігі өтеді

Pro Ligasy-ның кезекті кезеңі бірнеше күнге созылады.

«Құлагер» - «Ертіс»

«Ертіс» өткен турда өз алаңында «Торпедоға» екі рет соққы берді, алайда павлодарлықтар ұпай жинай алмады. «Құлагер» соңғы алты жекпе-жектің бесеуінде жеңіске жетті, алайда петропавлдықтардың қарсыластары турнир кестесінің төменгі бөлігіндегі командалар болды. Алаң иелері жеңістер легін жалғастыра ала ма әлде «Ертіс» көп бел буа бермейтін сенсациялардың біріне бара ма?

«Горняк» - «Ақтөбе»

Көкшетауды шулатқан рудныйлықтар Қарағандыдан ұпайсыз қайтып, үздіктер үштігінен алыстап қалып, «ендігі қарсыласты аямаймын» деп отырған «Ақтөбеге» қарсы матчқа жайдары көңіл күймен дайындалуда. Оның үстіне, батысқазақстандық ұжым өткен турда өзінің алты кездесу бойы жалғасып келе жатқан жеңістер легін үзіп алды.

«Сарыарқа» - «Торпедо»

Бұл текетірес туралы көп жазудың да қажеті жоқ. Қос команда да чемпионаттағы ең жоғары орындардан үмітті. Сондықтан олардың жекпе-жектері барлық қазақстандық жанкүйердің айрықша назарында болмақ.

«Снежные Барсы» - «Номад»

Елордалық текетірестің алғашқы сериясынан бері екі аптаға жетпейтін уақыт өтті. «Номад» сол уақыттан бері «Теміртауды» екі рет жеңіп, турнир кестесіндегі жағдайын оңалтып алды. Ал «Снежные Барсы» командасының ойыншыларының көп бөлігі Қазақстан жастар құрамасына үміткерлердің қысқамерзімді жиындарына қатысты. Өткен кезеңнен кейінгі қос команданың қауқарын ойын барысы көрсетеді.