Гренц Звездаға өтті, Сарыарқа көшбасшыларынан айрылды

Мамырда Қазақстан чемпионатынан бірден бірнеше ойыншы басқа лигаларға ауысты.

Бәрінен де трансферлік терезенің алғашқы кезеңі қазіргі ел чемпионы «Сарыарқаны» сан соқтырды. Қарағандылықтар бірден бірнеше көшбасшысынан айрылды, енді шұғыл олардың орнын басатын ойыншылар іздеуге мәжбүр болады.

Шахтерлер астанасының клубынан өткен маусымның үздік бомбардирі, нәтижелілігі үшін 91 балл жиған Никита Аноховский кетті. Ол мансабын Тольяттидегі «Ладада» жалғастырады.

Владислав Кулиевтің жоқтығы білінетін сияқты. Ол плей-оффты толықтай өткізіп алғанымен, тұрақты чемпионаттың 41 матчында 62 балл жинады. Оңқай форвард мансап жолын түмендік «Рубинде» жалғастырады.

«Автомобилистің» жүйесіне плей-оффтың екінші сұр мергені Степан Грымзин өтті. Кирилл Кожевников мәскеулік «Спартак» жүйесіне өтті. Өзінің «Юграсына» Сергей Голоднюк оралды, денсаулығы жақсы кезде ол «Сарыарқаның» басты шабуылшыларының бірі болған еді.

Келесі маусымда Голоднюкпен бір клубта өткен тұрақты чемпионаттың үздік сұр мергені болған (39 гол), маусымды «Торпедо» сапында аяқтаған Герман Шапорев ойнамақ.

Өскемендіктер үшін тағы бір шығын – негізгі орталық шабуылшы Дмитрий Гренцтің кетуі. 2021/22 жылғы маусымда ол 65 ұпай жинады, өз күшін Қазақстан құрамасының кеңейтілген құрамында сынап көріп, ЦСКА-лық скауттардың назарын өзіне аударды. Алдағы маусымды Гренц ЖХЛ-дағы «Звезда» сапында өткізеді.