Трансферлік жаңалықтар. Құлагер

Назарларыңызға Pro Ligasy клубтарының соңғы трансферлік жаңалықтарын ұсынамыз.

Петропавлдық ұжым келесі маусымға құрамын жасақтауды бастады. «Құлагердің» біліктілік ұсыныстарын* қақпашылар Вячеслав Нечвиенко мен Данил Кадочников, сондай-ақ шабуылшылар Александр Своеволин мен Никита Белашов қабылдады. Енді бұл ойыншылар солтүстік қазақстандық клубтың иелігінде.

Нечвиенко өткен маусымда «Құлагер» үшін 18 матч ойнап, орта есеппен 2,99 шайба өткізді. Тойтарылған соққылар пайызы – 90,3. Кадочников өз қоржынына петропавлдықтар сапында жүріп, 13 матчты жазды. Ол қақпаға бағытталған соққылардың 91,9%-ына тойтарыс берді, СК – 2,88.

Своеволин мен Белашов тұрақты чемпионаттың көп бөлігінде павлодарлық «Ертістің» көшбасшылары болды, алайда маусымның ортасында екеуі де «Құлагерге» өтті.

* Біліктілік ұсынысы – «Қолданыстағы келісімшарт» мәртебесі бар, қоса алғанда 27 (жиырма жеті) жасқа дейінгі хоккейшімен еңбек шартының қолданылу мерзімі аяқталатын хоккей клубының жаңа мерзімге еңбек шартын жасасу туралы ұсынысы.