Намысты Номад, Сарыарқа көшбасшылар үштігіне жақындады. 14 қарашадағы матчтарға шолу

«Номад» «Ақтөбемен» матчта ерлікке пара-пар ойын көрсетті. «Арлан» «Снежные Барсы» командасын қақпасына жолатпастан жеңді. «Алматы» Петропавлдан құр қол қайтты. «Сарыарқа» екінші рет «Бейбарыстан» басым түсті.

"Номад" – "Ақтөбе" матчының ортасына қарай қонақтар 3:0 есебімен алда келе жатты. Алайда ары қарай «көшпенділер» шабысты үдетіп, 20 минуттық ойын ішінде есепті түбегейлі басқа арнаға бұрды. Финалдық ысқырық елордалық ұжымның жеңісін тіркеді. Кирилл Панюков дубль жасады.

"Номад" – "Ақтөбе" 5:3 (0:2, 2:1, 3:0)

0:1 – 06:43 – Филонов (Митряков)

0:2 – 09:47 – Смирнов ГМ

0:3 – 28:15 – Кевлин

1:3 – 31:53 – Данияр См. (Данияр Сн.) ГМ

2:3 – 36:01 – Пархоменко (Зубов, Яковлев) ГБ

3:3 – 42:26 – Панюков (Яковлев, Ибрайбеков)

4:3 – 42:32 – Асетов (Гурков)

5:3 – 49:57 – Панюков (Орехов, Асетов)

Қақпашылар: Каратаев (Амирбеков, 28:15-60:00) – Мальгин (Тихонов, 42:32-60:00)

«Арлан» «Снежные Барсы» командасымен екінші матчта шешуші сәттерді соңына қалдырмай, екінші кезеңде жойқын соққылар берді. Нәтижесінде осы ұмтылыс кездесудің тағдырын шешті. «Снежные Барсы» маусымда екінші рет алаңнан шайба салмастан кетті.

"Арлан" – "Снежные Барсы" 3:0 (0:0, 3:0, 0:0)

1:0 – 23:07 – Ханьжин

2:0 – 25:32 – Шмурыгин (Савенков)

3:0 – 28:38 – Бердников Р.

Қақпашылар: Зыкин – Павленко (Калмыков, 28:38-60:00)

«Құлагер» кездесудің үшінші кезеңіндегі екі шайбаның арқасында «Алматының» екпінін басты. Өз алаңындағы екі жеңіс петропавлдықтарды турнир кестесінің жоғары жағына аттандырды.

"Құлагер" – "Алматы" 3:1 (1:1, 0:0, 2:0)

1:0 – 01:09 – Ахметов (Стасюк, Исмагилов)

1:1 – 12:58 – Ананьин (Качулин)

2:1 – 44:07 – Репин (Стасюк, Исмагилов) ГБ

3:1 – 54:00 – Логинов (Попитич, Рамазанов)

Қақпашылар: Янков – Гичев

"Сарыарқа" «Бейбарыспен» екінші ойынның бастапқы минуттарында тамаша соққылар жасап, өз алаңында қатарынан үшінші рет жеңіске жетті. Қарағандылық ұжым турнир кестесінің төртінші қатарына шықты.

"Сарыарқа" – "Бейбарыс" 4:2 (2:1, 2:0, 0:1)

1:0 – 00:27 – Михайлов (Никулин)

2:0 – 09:51 – Аноховский (Михнин, Холкин)

2:1 – 13:40 – Бакика (Ананичев Ар.)

3:1 – 29:29 – Нургалиев (Борисевич)

4:1 – 34:35 – Михайлов

4:2 – 51:59 – Воробьев (Старцев, Курепанов)

Қақпашылар: Бояркин – Иванов