Номад ойыншылары Қазақстан құрамасына үміткерлердің кеңейтілген тізімінде

Елордалық «Номад» Нұр-Сұлтанда ОЖЖ өткізіп жатқан ұлттық құраманың сапына төрт спортшысын жіберді.

Артём Королёв – Pro Ligasy-ның ең тартымды және прогрессивті жас қорғаушыларының бірі. Алайда ойыншының қазіргі жағдайда құраманың кеңейтілген құрамына шақырту алуы артығымен сенім білдірілгенін байқатады. Қорғаныс шебінде тәжірибесі молдау хоккейшілер болған жағдайда Королёвтің негізгі құрамға өте алуы екіталай. Алайда Артём үшін мұндай деңгейде жиындар өткізуінің өзі өте пайдалы.

Александр Пелевин өзін шабуылға да дер кезінде қосыла алатын қаршыға әрі табанды қорғаушы ретінде көрсетті. Қазақстан тұрақты чемпионатының қорытындысы бойынша ол өз амплуасында нәтижелілік бойынша Лигадағы үшінші ойыншыға айналды (31 балл, 11+20). Алайда Александрды негізгі құрамға тартудың болашағы туралы айту ертерек. Себебі бапкерлер штабы қорғаныс шебінде оң ұстамды кемінде төрт орындаушыны: Дицті, Блэкерді, Шалапов пен Даниярды көргісі келеді.

Максим Мухаметов өзінің ересек хоккей мансабындағы ең жақсы маусымын өткізді және Қазақстан чемпионаты жаңалықтарының бірі болды. Ол тұрақты чемпионатта алғаш рет 20 (11+9) ұпайлық межеге жетіп, плей-оффтың 10 матчында 7 шайба салды. Мұндай нәтижелілік құраманың бапкерлер штабының назарынан тыс қалмай, Мухаметов алғаш рет ұлттық команданың жиынына шақырту алды.

Станислав Александров – қазақстандықтардың ағымдағы кеңейтілген құрамындағы ең жас ойыншы. Ол бірнеше өте маңызды шайбаларды салып, ересектер деңгейіндегі әзірге ең нәтижелі маусымын ойнады (25 балл, 14+11). Сондықтан өсіп келе жатқан сұр мерген алғаш рет өзін Қазақстан құрамасының құрамында көрсетуге мүмкіндік алды.