Бейбарыс – Қазақстан чемпионатының қола жүлдегері

Кешегі ойын күнінің қорытындысы бойынша 2021/22 жылғы маусымдағы Pro Ligasy-ның қола жүлдегері анықталды.

Турнир регламентіне сәйкес, ½ финалдың қорытындысы бойынша жеңіліске ұшыраған және тұрақты чемпионаттың нәтижесі бойынша жоғарырақ орын алған команда қола жүлдегер болады.

Жартылай финалдық серияларда «Номад» пен «Бейбарыс» шығып қалды. Бұл ретте елордалық ұжым тұрақты чемпионаттың қорытындысы бойынша бесінші, ал атыраулықтар үшінші орын алды. Осылайша, Артём Аргоковтың ойыншылары Pro Ligasy-ның қола жүлдесін иеленді.