Плей-оффтың алғашқы раундының топ-3 қорғаушысы

¼ финалдың қорытындысы бойынша үздік статистикалық көрсеткіштерге ие Pro Ligasy командаларының үш қорғаушысын назарларыңызға ұсынамыз.

Валерий Орехов («Номад»)

Ореховті қазір елордалық ұжым құрамындағы жетекші ойыншылардың бірі деуге болады. Ол мұзда айтарлықтай көп уақыт өткізеді, артық құрамның бірінші бригадасында шығып, өз міндеттерін мүлтіксіз орындап, командаға елеулі пайдасын тигізеді. «Торпедомен» серияның бес матчы бойынша Валерий (+5) пайдалылық көрсеткішімен 6 нәтижелі пас берді және небәрі 2 айып минутын алды.

Эмиль Нургалиев («Сарыарқа»)

Нургалиев тұрақты чемпионатты жақсы өткізіп, Қазақстан чемпионатында нәтижелілік бойынша өз рекордын орнатты және плей-оффта жаңылмастан ұпай жинап келеді. Оның қоржынында «Алтай Торпедомен» төртматчтық сериядағы 6 нәтижелі пас бар, пайдалылық көрсеткіші (+7). Ұшу матчтарында осы көрсеткіші бойынша Эмиль бірінші орынды өзінің командаластары Евгений Жарёновпен және Кирилл Полоховпен бөлісуде. Бұл ретте «Сарыарқаның» 14-ші нөмірлі ойыншысы айып минутын алған жоқ.

Эдгарс Сиксна («Сарыарқа»)

Pro Ligasy-ның өткен маусымының үздік қорғаушысы мұз үстінде де, одан тыста да қарағандылық ұжым көшбасшыларының бірі болып қала бермек. Биылғы плей-офф ойындарында Сиксна «айып уақытын» алмастан, нәтижелілігі үшін 7 (1+6) балл жинады. Бірінші жұптағы орны мен келелі айстаймын ескере отырып, «Сарыарқа» капитаны бұл нәтижемен тоқтап қалмайды деп мол сеніммен айтуға болады.