Қаңтардың үздік ойыншылары

Назарларыңызға Қазақстан чемпионатының ойын аз өткен айының үздік ойыншыларын ұсынамыз.

Үздік қақпашылар – Максим Грязнов пен Вячеслав Нечвиенко («Құлагер»)

«Құлагердің» қақпашылар бригадасының Шығыс Қазақстанға сапары сәтті болып, петропавлдықтар сегіз балдың тұтас сегізімен оралды. Грязнов пен Нечвиенко осы уақыт ішінде екі жеңістен қол жеткізді, бір қызығы екеуі де шатаут жасады. Вячеслав соққылардың 97,14%-ына тойтарыс беріп, небәрі бір шайба өткізді (СК – 0,5). Максим соққылардың 94,44%-ына төтеп беріп, қақпаға орта есеппен бір жарым шайба өткізді және бір нәтижелі пас берді.

Үздік қорғаушы – Дмитрий Молодцов («Сарыарқа»)

Қаңтарда Молодцов төрт ойын бойынша өзі жиған ұпайлардың жартысына жуығын иеленді. Қорғаушының активінде салынған 1 шайба мен 3 пас беру бар, бұл ретте пайдалылық көрсеткіші +6 (қаңтарда осы амплуадағы барлық ойыншылар арасындағы үздік көрсеткіш). Спортшы өз командасының Өскемендегі екінші жеңісіне үлкен үлес қосты. Алдымен Дмитрий есеп ашқан голды салуға атсалысты, содан кейін Степан Грымзиннің орындауындағы шешуші соққыға пас берді.

Үздік шабуылшы – Герман Шапорев («Алтай Торпедо»)

Шапорев бұл айды мықты өткізіп, өз командасына Ақтөбеден төрт балл әкетуге көмектесті. Төрт кездесу барысында ол +2 пайдалылық көрсеткішімен 7 шайба салды (бір хет-трик және екі дубль). Бұл ретте Герман өз соққыларын жүзеге асыруда тамаша көрсеткіш байқатты – 53,85. Екпінді қаңтардың арқасында «Алтай Торпедоның» шабуылшысы чемпионаттың үздік сұр мергендері тізімінде бірінші орынға шықты.

Үздік жас ойыншы – Даниил Цыбин («Снежные Барсы»)

«Снежные Барсы» командасының үздік бомбардирі ұпайдан құр қалған екі матчтан кейін «Горнякпен» текетіресте 1 шайба салып, 1 рет командаласына нәтижелі пас берді. Жалпы алғанда жас шабуылшының ересектер деңгейіндегі тырнақалды кезеңі сәтті өтіп жатыр: тұрақты чемпионатта 20 ұпайлық межеге жақын қалды.