Елордадағы буллиттер, Құлагер өз алаңында жеңді

«Номад» пен «Снежные Барсы» арасындағы екінші текетіресте жеңімпаз тек буллиттер сериясында анықталды. «Құлагер» «Алтай Торпедоның» арынын басты.

«Номад» пен «Снежные Барсы» арасындағы екінші кездесудің басты қаһармандары – 65 минуттық ойын бойы тек бір реттен шайба өткізген қақпашылар Роман Калмыков пен Максим Павленко. Буллиттер сериясында Александр Высоцкийдің ойыншылары дөп түсті, жеңіс шайбасы Денис Михнинге тиесілі.

«Номад» - «Снежные Барсы» 2:1 Б (0:1, 1:0, 0:0, 0:0, 1:0)

0:1 – 12:20 – Колодюк ГБ

1:1 – 26:09 – Бекетаев

2:1 – 65:00 – Михнин

Қақпашылар: Калмыков – Павленко

«Құлагер» екінші кезеңді сәтті өткізіп, «Алтай Торпедомен» текетіресте екі балл жинады. Жеңіс шайбасы Максим Первухинге тиесілі, ол екінші кезеңнің аяқталуына екі секунд қалғанда, артық құраммен шайба дарытты.

«Құлагер» - «Алтай Торпедо» 4:3 (0:1, 4:2, 0:0)

0:1 – 07:03 – Хоменко (Архипов, Курсакбаев) ГБ

1:1 – 20:18 – Колесников (Логинов, Рамазанов)

2:1 – 21:37 – Пальмтаг (Макеев)

2:2 – 27:07 – Буденчук (Худяков, Скоробогатов) ГБ

2:3 – 31:16 – Петросян (Скоробогатов)

3:3 – 37:59 – Репин (Колесников) ГБ

4:3 – 39:58 – Первухин (Наместников, Болдин) ГБ

Қақпашылар: Кадочников – Нурек