4-6 қарашадағы матчтардың аңдатпасы

Хоккейден Қазақстан чемпионатының кезекті матчтары 4, 5 және 6 қарашада болып өтеді. Ұпай жинау үшін алты ұжым барын салады.

Елордада «Снежные Барсы» «Ертісті» қабылдайды. Бұл ұжымдардың Павлодардағы кездесулері Александр Истоминнің командасының екі жеңісімен аяқталған болатын. Қарсыластар турнир кестесінің төменгі бөлігіне жайғасты және бұл орындары өздеріне ұнай қоймайтыны белгілі.

«Сарыарқа» өз алаңында маусымдағы алғашқы ойындарын өткізеді. Шахтерлер астанасына соңғы матчтарда есе жібергенімен, чемпионат көшбасшыларының бестігіне кіретін «Арлан» келеді. Александр Соколовтың командасы әзірге небәрі төрт көздесу өткізіп, оның үшеуінде жеңіске жетті.

«Алматы» өз алаңында «Алтай Торпедоны» қарсы алады. Оңтүстік астаналық команда чемпионатты сәтсіз бастағанымен біртіндеп бабына келе бастады, тіпті плей-офф аймағында деуге болады. «Алтай Торпедо» өткен ойында жеңілістер сериясын тоқтатып, турнир кестесінің жетінші қатарына шықты.

PRO HOKEI LIGASY хоккейден Қазақстан чемпионатының барлық матчтарының тікелей көрсетілімдерін сайтымыздан тамашалауға болады.