Қазан айының үздік ойыншылары

Республикалық жарыстарды өткізу бөлімі статистикалық көрсеткіштер негізінде PRO HOKEI LIGASY хоккейден ағымдағы Қазақстан чемпионатының бірінші айындағы үздік ойыншылардың есімін атады. 19 және 31 қазан аралығындағы кездесулер есепке алынды.

Үздік қақпашы – Максим Сидоров ("Торпедо")

Максим «Торпедоның» чемпионатты сенімді бастауына бірден бір себепкер болды. Сидоров 6 матчтың 6-ауын жеңді, соққылардың 95,9 %-ына тойтарыс беріп, орта есеппен 1,17 шайба өткізді. Сондай-ақ оның қоржынында бір «құрғақ» ойын мен бірнеше маңызды сейвтер бар.

Үздік қорғаушы – Александр Угольников ("Торпедо")

"Торпедо" капитаны бірінші матчтардан-ақ өскемендіктердің осы маусымдағы қорғанысында көшбасшы болатынын дәлелдеді. Угольников өзінің тікелей міндеттерін атқарып қана қоймай, шабуылға да атсалысты. 7 матч бойынша оның нәтижелілігі 7 (5+2) ұпайды құрап, тиімділік көрсеткіші (+4) болды. Айтып өтетін жайт, қазанның қорытындысы бойынша «Торпедоның» 91-ші нөмірі командадағы серіктесі Александр Шинмен бірге лиганың үздік сұр мергені атанды.

Үздік шабуылшы – Захар Пархоменко ("Номад")

Форвард «Номадтың» бас бапкері Александр Высоцкийдің ойын жүйесіне тез бейімделді және «көшпенділер» құрамында басты ойыншылардың біріне айналды. 7 мачтың нәтижесі бойынша Захар өз қоржынына 9 (3+6) ұпай жинап, тиімділік көрсеткіші (+1) болды. Ол салған шайбалардың бірі командаға жеңіс әкелді. «Номадтың» тағы бір шабуылшысы Артур Гатиятовпен бірге Пархоменко қазан айының қорытындысы бойынша чемпионаттың үздік бомбардирі атанды.

Үздік жас ойыншы – Диас Гусейнов ("Снежные Барсы")

Елордалық ұжымның көшбасшысы өткен маусымда ЖХЛ-да өзінің пісіп-жетілгенін және ересектер деңгейінде ойнай алатынын дәлелдей бастады. Чемпионаттың бастапқы кезеңінде Диас 6 кездесудің 5-еуінде ұпай жинады. Осы уақыт ішінде ол нәтижелілігі үшін 7 (3+4) балл жинап, қазан айының үздік бомбардирлерінің ондығына кірді. Сондай-ақ, Гусейнов ойын уақыты бойынша өз командасында көшбасшылардың бірі болып табылады.