Сергей Егоров: «Алдымызға биік мақсаттар мен міндеттер қоямыз»

Қазақстан Кубогінің үздік қорғаушысы, «ақтөбелік» Сергей Егоров клуб баспасөз қызметіне берген шағын сұхбатында өз командасының жетістікке жету құпиясын айтып берді, сонымен қатар алдағы чемпионатқа қатысты жоспарларымен бөлісті.

- Сергей, турнир алдында мамандардың ешқайсысы «Ақтөбені» финалда көре қойған жоқ. Клуб үшін мұншалықты тарихи жетістікке қалай жеттіңіздер?

- Біріншіден, команда жүйелі қимылдап, бапкерлер штабының нұсқауларын қатаң орындады, қатаң тәртіпке бағынып, аянбай әрекет етті, сондай-ақ мұз бетінде де, одан тыс та өзара көмектесті. Қоян-қолтық ойнап, бір-бірін емеуріннен түсініп, бір-біріне ширыға түсуге ықпал етті. Кубок алдында өте жақсы жұмыс жасады деп есептеймін, бұл бізге турнирде жақсы өнер көрсетуге сеп болды.

- Темірді қызғанда соқ. Тұрақты чемпионатқа қатысты қандай меже қойып отырсыздар?

- Біз жеңістің дәмін таттық, енді осы жолдан таймауға тырысамыз. Алдымызға биік мақсаттар мен міндеттер қоямыз. Кемінде плей-оффқа өтсек, әрі қарай мүмкіндігінше жоғары орынға ұмтыламыз.