Қазақстан чемпионаттарындағы ең ұзақ матчтар

3 сәуір күні «Номад» пен «Сарыарқа» Нұр-Сұлтанда ұлттық чемпионаттардағы ең ұзаққа созылған матч рекордын жаңарта жаздады. ҚХФ баспасөз қызметі соңғы жылдардағы чемпионаттардың ең ұзақ матчтарын еске түсірді.

Бір қызығы, ең ұзақ бес ойынның төртеуіне «көшпенділер» қатысқан.

Ең ұзақ чемпионат матчы 2018 жылдың 22 наурызында Атырауда өтті. Бұл жартылай финалдық серия аясындағы «Бейбарыс» пен «Номад» арасындағы үшінші жекпе-жек болатын. Ол кезде «көшпенділер» төртінші овертаймда жеңіске жетті. Шешуші шайбаның авторы 130-шы минутта (129:16) көзге түскен Иван Верещагин болды. Сол серия жеті ойынға созылып, нәтижесінде «Номад» чемпионат финалына шықты.

2021 жылдың 3 сәуірінде «Номад» пен «Сарыарқа» ел чемпионаттары аясындағы ұзақтығы бойынша екінші матчты өткізді. Владислав Никулин қарағандылық ұжымға таблода 125:47 жанған сәтте жеңіс сыйлады. Әрі қарай Леонид Тамбиевтің командасы төртінші жеңісіне қол жеткізіп, аз ғана матч ішінде Pro Ligasy финалына жолдама алды.

2017 жылдың 4 сәуірінде «Ертіс» пен «Номад» ұзақтығы бойынша үшінші жекпе-жекті өткізді. Кездесу 108 минут 58 секундқа созылды. Матч пен бүкіл серияны Әлихан Әсетов қорытындылады. «Көшпенділер» жартылай финалдық серияны аз ғана ойын санымен аяқтап, финалға жолдама алды.

2018 жылдың 18 наурызында елордада «Бейбарыс» 108-ші минут аяқталарда жеңісті шайбаны салып, «Номадты» жеңді. Евгений Чемерилов ойынды таблода 107:57жанғанда тоқтатты.

2012 жылдың 11 наурызында Теміртауда «Арыстан» мен «Астана» да ойынды үшінші овертайммен аяқтады. Таблодағы уақыт 104:07болғанда,Андрей Спиридонов елордалық ұжымға жеңіс әкелді.

Бұл материал Станислав Сәрсековтің көмегімен дайындалды.