½ финал алдында. Торпедо – Арлан

30 наурыз екі қалада хоккейден Қазақстан чемпионатының жартылай финалдық сериялары басталады. Екі дуэльдің бірінде тұрақты чемпионаттың жеңімпазы «Торпедо» мен «Арлан» бақ сынасады.

Өскемендіктер «Алматымен» төрт кездесу барысында өзінің ширекфиналдық сериясын аяқтады. Олардың үшеуі тартысты өтіп, бір рет командалар жеңімпазды овертаймда анықтады. Алайда шешуші сәттерде «Торпедо» мықты болып шықты.

«Арлан» «Бейбарыспен» серия басталарда үш матчтың екеуінде жеңіліс тапты. Алайда әрі қарай көкшетаулықтар ширек финал барысын өзгерте алды. Бұл ретте екі жеңіске Сергей Бердниковтің ойыншылары овертаймда қол жеткізді. Тұрақты чемпионаттың қорытындысы бойынша үшінші орын алған «Бейбарыс» плей-оффтың бірінші раундынан аса алмай қалды.

«Торпедо» Өскемен (1) – «Арлан» Көкшетау (6)

Плей-оффта салынған шайба: 15 – 15

Плей-оффта өткізілген шайба: 7 – 12

Тұрақты чемпионаттағы жекпе-жектер: 2:1, 2:1, 3:1, 3:2 Б

Плей-оффтағы үздік бомбардир: Сергей Кузнецов (5 ұпай, 3+2) – Вадим Бердников (7 ұпай, 2+5)

Тұрақты чемпионаттағы жекпе-жектің үздік бомбардирі: Дмитрий Стулов (3 балл, 2+1) – Вадим Бердников (3 балл, 1+2)

«Торпедо» - ағымдағы плей-оффтың нәтижелілік бойынша екінші командасы.

Тұрақты чемпионаттағы «Торпедо» мен «Арлан» арасындағы төрт кездесудің барлығы да өскемендік ұжымның пайдасына шешілді.

«Арландағы» Вадим Бердников – ағымдағы плей-оффтың үздік бомбардирлері тізімінде екінші.