Турдың қаһарманы – Сергей Демагин

ҚХФ баспасөз қызметі PRO HOKEI LIGASY-ның ерекше көзге түскен ойыншылары туралы жарияланымдар топтамасын жалғастырады.

Өткен ойын кезеңінің үздік ойыншысы «Арланның» өкілі Сергей Демагин болды. «Алматымен» жекпе-жекте шабуылшы 4 (2+2) балл жинап, өз командасына екі рет жеңіске жетуге (5:3 және 4:1) көмектесті. Екінші кездесуде Сергей салған шайба көкшетаулықтарға жеңіс сыйлады.

Сергей Бердниковтің командасы өз алаңындағы ойындар сессиясының қорытындысы бойынша алты ұпай жинап, Қазақстан чемпионатының кубоктық раундына шығу мүмкіндігін иеленді.