Parimatch – Қазақстан Кубогының көрсеткіштері мен деректері

Кеше Қарағандыда Хоккейден Қазақстан Кубогының кезекті матчы өтті. Биылғы турнир ерекше болды: алғаш рет үш қалада өтіп, алғаш рет қатысушылардың осындай мықты құрамын жинады, алғаш рет жақсы сапада ыңғайлы интернет платформаларда толық көлемде көрсетілді.

Кубокта барлығы 20 матч ойнатылды («Алматы» - «Бейбарыс» кездесуін қоспағанда). Олардың 15-і негізгі уақытта аяқталып, екі рет қарсыластар жеңімпазды овертаймда анықтады, үш рет командаларға буллиттер сериясына қатысуға тура келді.

Барлығы Кубок аясында 110 шайба тасталды. Матчтардың орташа нәтижелілігі – 5,5 шайба. Ең нәтижелі матч – «Горняк» - «Алматы» (2:8). Турнирдің ең төмен нәтижелі матчы – «Ақтөбе» - «Ертіс» (2:0).

Алғаш рет құрметті атақты «Сарыарқа» жеңіп алды. Қарағандылық ұжым өзінің барлық бес матчын жеңіп алып, Кубокта барлық ұжымдар арасында алдын ала іріктеу кезеңінде де, сондай-ақ жарыстың финалдық бөлігінде де ең нәтижелі ойын көрсетті. Команда активінде 19 шайба бар.

Турнирдің ең аз гол салған командалары: 4 нәтижелі шабуылдан ұйымдастырған «Алтай Торпедо» мен «Ертіс».

«Горняк» үш кездесу бойынша 17 шайба өткізіп алды – бұл Кубоктағы ең нашар нәтиже. Бұл тұста Евгений Королёвтің ойыншылары тағы да үздік атанды. «Сарыарқа» бес ойынның нәтижесі бойынша небәрі 5 шайба өткізіп алды.

«Номад» Кубок аясында бір де бір балл жинай алмаған жалғыз қатысушы болып отыр. Елордалық ұжым турнирге ең оңтайлы құрамды әкелмеді және бапкерлер штабы резервтегі ойыншыларын ойын барысында сынап көруге бел буды. «Көшпенділердің» екі кездесуде ұпай жинауға мүмкіндігі болды, алайда шешуші эпизодтарда қарсыластардың тәжірибесі таразы басын басып кетті.

Плей-оффқа соңғы төрт жылдағы Кубок жеңімпаздары «Алтай Торпедо» мен «Құлагер» де өте алмады.

Турнирдің үздік бомбардирі «Сарыарқаның» өкілі Сергей Голоднюк болды. Бес матч бойынша ол 13 (5+8) балл жинап, финалдағы «алтын» шайбаның авторы атанды. Сегіз нәтижелі пас беріп, ол да Кубоктың үздік ассистенті болды.

Артём Лихотников пен Александр Борисевич Кубокта алты шайбадан салып, аяқталған жарыстардың үздік сұрмергендері атанды. Бір қызығы, екеуі де матчтардың бірінде қоржынға хет-триктен салды. Турнирдегі тағы бір хет-триктің авторы «Құлагердің» өкілі Евгений Попитич болды.

Қорғаушылардың ішінде турнирде ең нәтижелі ойынды «Торпедоның» екі өкілі: Дмитрий Стулов (2+2) пен Александр Угольников (1+3), сондай-ақ «Алматыдан» Антон Моренец (1+3) және «Арланнан» Александр Ханьжин (0+4) көрсетті.