Номадтың чемпиондыққа жетуіне бір қадам қалды

Шахтёрлер астанасы маусымның шешуші қарсыласуының төртінші матчын қабылдады.

Есепті «көшпенділер» ашты: Бейбарыс Оразовтың пасын Вячеслав Колесников жетер жеріне жеткізіп, Данил Кадочниковқа еш мүмкіндік қалдырмады. Үзіліске дейін «Номад» дәл осындай шабуылды тағы ұйымдастырып, елордалық ұжымның басымдығын Батырлан Мұратов арттырды. Кейін қарағандылық жанкүйерлерді Всеволод Логвин қапы қалдырды – ол алаң иелерінің аймақтан шығу кезіндегі қателігін тиімді пайдаланды. Ал екінші кезеңнің басында Мади Диханбек қарсылас бапкерлер штабын қосалқы қақпашы Жакен Ибрагимовты ойынға толық енгізуге мәжбүр етті.

Кездесудің ортасында «Сарыарқаға» басымдық көмектесті – оны әдемі комбинациядан кейін Данила Карабань нәтижелі аяқтады. Бірақ көп ұзамай Саян Данияр есеп айырмасын қайта ұлғайтты.

Қорытынды кезеңде гол соғылған жоқ. Қонақтардың қақпашысы Роман Калмыков финалда алғаш рет ойнап, қақпаға бағытталған 29 соққыны қайтарды. Бесінші матч 9 сәуір күні Астанада өтеді, сериядағы есеп – «Номадтың» пайдасына 3:1.

«Сарыарқа» - «Номад» 1:5 (0:3, 1:2, 0:0)

0:1 - 06:24 - Колесников (Оразов, Бритиков)

0:2 - 11:54 - Муратов (Логвин, Бритиков)

0:3 - 16:43 - Логвин

0:4 - 24:46 - Диханбек (Гатиятов, Данияр)

1:4 - 31:13 - Карабань (Кузьменко, Лихотников) ГБ

1:5 - 34:05 - Данияр

Қақпашылар: Кадочников (Ибрагимов, 20:47-22:18, 24:46-60:00) - Калмыков

«Номад» - «Сарыарқа» сериясындағы есеп: 3-1 (5:4 ОТ3, 5:2, 1:7, 5:1)

ВКонтакте, Инстаграм < Бізге қосылып, Pro Hokei Ligasy жаңалықтарын өзіңізге ыңғайлы платформалардан оқыңыз.