Қазақстан кубогі тағы да Қарағанды мен Өскеменде өтеді

2025 жылғы хоккейден Қазақстан кубогінің өту күндері мен орындары белгілі болды.

Биыл беделді трофей үшін 8 ұжым тартысады, аталмыш командалар өткен маусымдағы рейтингке сәйкес екі топқа бөлінген.

Айта кететін жайт, бүгінгі таңда ташкенттік «Хумо» Қазақстан Кубогі мен Pro Hokei Ligasy чемпионатына қатысатыны туралы растаушы құжаттар ұсынған жоқ.

Павлодарлық «Ертіс» пен «Мұнайшы» клубтың қаржыландыруына байланысты мәселелерге орай ересектер және жастар арасында өтетін ҚР Кубогінің жарыстарына қатыспайды, алайда Pro және Jastar Ligasy чемпионаттарына қатысады.

А тобында Қарағандыда қазіргі ел чемпионы көкшетаулық «Арлан», «Сарыарқа», рудныйлық «Горняк» және атыраулық «Бейбарыс» ойнайды.

Ойындары Өскеменде өтетін В тобында «Торпедо», «Алматы», «Ақтөбе» және петропавлдық «Құлагер» бақ сынайды.

Алдын ала кезеңнің кездесулері 22–25 тамыз аралығында өтеді. Әрі қарай плей-офф кезеңі аясында жартылай финалдар (топ жеңімпаздары параллель топтың екінші орын иелерімен кездеседі) және финал өтеді. Шешуші матчтар 28 және 29 тамыз күндері Қарағандыда өтеді.

---

Матчтар кестесі

22 тамыз, Жұма

15.00 ARLAN - BEIBARYS

15.00 ALMATY - QULAGER

19.00 SARYARQA - GORNYAK

19.00 TORPEDO - AQTOBE

23 тамыз, Сенбі

17.00 BEIBARYS - SARYARQA

17.00 QULAGER - TORPEDO

24 тамыз, Жексенбі

17.00 GORNYAK – ARLAN

17.00 ALMATY - AQTOBE

25 тамыз, Дүйсенбі

15.00 GORNYAK - BEIBARYS

15.00 AQTOBE - QULAGER

19.00 SARYARQA - ARLAN

19.00 TORPEDO - ALMATY

28 тамыз, Бейсенбі

15.00 Жартылай финал (В1-А2)

19.00 Жартылай финал (А1-В2)

29 тамыз, Жұма

19.00 Финал

---

ВКонтакте, Инстаграм < Бізге қосылып, Pro Hokei Ligasy жаңалықтарын өзіңізге ыңғайлы платформалардан оқыңыз.