ҚР Кубогінің топтық кезеңінің қорытындысы бойынша көрсеткіштер мен деректер

2024 жылғы Қазақстан кубогінің алдын ала қорытындысын жасайық.

2024 жылғы Қазақстан кубогінің алдын ала қорытындысын жасайық. Топтық раунд аяқталғаннан кейін турнирдің төрт жартылай финалисі анықталды. Олар: «Құлагер», «Арлан», «Сарыарқа» және «Горняк».

Алдын ала кезеңнің ең нәтижелі командасы «Горняк» болды. 27 шайба салып, әрбір ойында соққыларының 17,53%-ын жүзеге асырған (6,75 гол) рудныйлықтар асқан дәлдік көрсетті.

Ең төменгі нәтиже «Алматыда». Төрт кездесудің қорытындысы бойынша оңтүстікастаналық ұжым қарсыласқа 4 рет шайбасын өткізді.

Осындай нәтиженің арқасында «Горняктың» бірден төрт ойыншысы қазіргі таңда Кубоктің үздік бомбардирлерінің топ-5-іне кіріп тұр. Алайда бұл тізімде бірінші орынды «сарыарқалық» Глеб Зайцев алып тұр. Қарағандылықтардың көшбасшысы 9 (5+4) ұпай жинады және әзірге турнирдің үздік сұрмергені болып отыр.

Үздік ассистент атағы Алексей Козорезге тиесілі. «Горняк» өкілі өз есебіне 7 нәтижелі пасты жазды.

Александр Куршук қорғаушылар арасында нәтижелілік бойынша көш бастап тұр. Рудныйдың тәжірибелі қорғаныс ойыншысы 8 (2+6) балл жинады.

Қақпашылар рейтингісінде әзірге Денис Каратаевқа жетер ешкім жоқ. «Құлагердің» голкипері бірнеше маңызды көрсеткіш бойынша үздік: жеңіс саны (3), сенімділік коэффициенті (1,2) және тойтарылған соққылар пайызы (96,2) мен саны (102). 

---

ВКонтакте, Инстаграм < Бізге қосылып, Pro Hokei Ligasy жаңалықтарын өзіңізге ыңғайлы платформалардан оқыңыз.