Петросян мен Шапорев тағы да Торпедоға оралды

«Торпедо» алдағы маусымға негізгі командасын жасақтауды жалғастыруда.

Өскеменге кезекті рет Стас Петросян мен Герман Шапорев оралды. Өткен маусымды нәтижелі шабуылшылар «Ақтөбеде» аяқтап, сол құраммен ProLigasy командаларының қорытынды топ-4-тігіне енді. Қорғаушы Илья Олендаренко да дәл сол бағытта елдің батысынан шығысына ойысты.

«Торпедоның» су жаңа ойыншысы – ЖХЛ-да 300-ден астам матч өткізген форвард Илья Кляузов. Өткен маусымды хоккейші Беларусь чемпионатында «Гомель» мен «Химик» сапында аяқтады.

Өскеменде өз мансабын тәжірибелі қорғаушы Марк Скутар жандандыруға тырысады. Ол 2018-2019 жылғы маусымда Қазақстанға келіп, плей-оффта «Арлан» үшін ойнаған болатын. Бұған дейін екі маусым бойы Скутар Испания чемпионатында өнер көрсетті.

ВКонтакте, Инстаграм < Бізге қосылып, Pro Hokei Ligasy жаңалықтарын өзіңізге ыңғайлы платформалардан оқыңыз.