Қазақстан Кубогі - 2020-2022. Тарихы мен фактілері.

Ел кубогі аясындағы келесі турнир бұл турнир үшін үйреншікті емес уақытта өтті. Ойындар 27 қаңтар мен 2 ақпан аралығында өтті. Сондай-ақ ойынның тұтас тарихында алғаш рет командалар үш топқа бөлініп, әрқайсысында төрт ұжымнан болды. Сонымен қатар, турнир регламенті сәл өзгертілді. Топтық кезеңнің қорытындысы бойынша әр төрттіктің жеңімпаздары жартылай финалға аттанды. Ең жақсы көрсеткіштері бар екінші орын алған команда да жарыстың шешуші кезеңіне жіберілді.

Көкшетауда "А" тобының матчтары өтті, оның қорытындысы бойынша жергілікті "Арлан" жүз пайыздық көрсеткішпен жартылай финалға шықты. "Құлагер "екінші орынды иеленді, тиісінше" Номад "пен" Теміртауды " артта қалдырды.

"В" тобының матчтарын Павлодар қабылдады. Бұл жерде "Торпедо" командасына тең келер ешкім болмады. Өскемендіктер "Ақтөбе", "Алтай-Торпедо" және "Ертісті" шаң қаптырды.

"С" тобында, "Қарағанды-аренада""Сарыарқа"жартылай финалға шығып,"Алматы","Горняк"және"Бейбарысты" басып озды.

Оңтүстік астаналық хоккейшілер 7 ұпай жинап, өз топтарында екінші орын алған басқа командалар арасында ең жақсы көрсеткішке қол жеткізді. Сондықтан "Сарыарқамен"бірге жартылай финалға "Алматы" да шықты.

Жартылай финалдық матчтарда " Алматы""Торпедомен"кездесті, ал"Сарыарқаға"қарсы көкшетаулық"Арлан" түсті.

1/2 финалдың бірінші матчында "Торпедо" хоккейшілері тартысты ойында "Алматыдан" басым түсті. Жекпе-жектің көп бөлігі Олег Болякин командасының бақылауында өтті. Екінші кезеңнің соңына қарай өскемендіктер екі шайбағмен алда келе жатты. "Торпедо" құрамында Артем Лихотников, Игорь Левицкий және Дмитрий Гренц көзге түсті. Бұған алматылықтар Евгений Борисовтыңдөп соққысымен жауап берді.

«Алматы» қорғаушысы Егор Наместниковтың үшінші кезеңнің басында салған голы оңтүстікастаналықтардың үмітін оятты, алайда бұл матчта көрермен одар әрі шайба көрмеді. Нәтижесінде, 3:2 есебімен «Торпедо» жеңіске жетті.

Жартылай финалдың екінші матчында алаң иелері – «Сарыарқа» хоккейшілері «Арланға» қарсы 3:1 есебімен жеңіске жетті. Қарағандылықтар құрамынан Александр Борисевич хет-трик жасады, оған «көкжалдар» Станислав Боровиковтың дөп соққысымен жауап бере алды.

Кубок финалында біз Қарағанды мен Өскеменнің тамаша текетіресін тамашаладық. Бұл жұптың арасынан фаворитті дөп басып анықтау мүмкін болмады, сол себепті көпшілік болжам жасамай, қызық финал күтті. Қуанышқа орай, финал ел күткендей болды. Ойын бірінші минуттан соңғысына дейін тартысты өтті. 16-шы минутта Дмитрий Стулов «торпедолықтарды» алға шығарды. «Сарыарқа» матчтың екінші кезеңінің соңына қарай жауап голын соғып, Вадим Зеленков «Қарағанды-Аренаны» қуаныштан жылатты. Үшінші кезеңде шайба салынбай, шешуші кездесу овертаймға өтті. Қосымша уақыттың үшінші минутында Сергей Голоднюк Қарағандыға Қазақстан кубогін сыйлады.

Матч аяқталысымен өткен ойынның үздік ойыншылары анықталды.

Үздік қақпашы - Никита Бояркин ("Сарыарқа"), үздік қорғаушы - Дмитрий Стулов ("Торпедо"), үздік шабуылшы - Александр Борисевич ("Сарыарқа"), үздік жас ойыншы - Иван Зинченко ("Ақтөбе")

Қазақстан кубогі 2021

2021 жылдың тамыз айында Қазақстан кубогі біз үшін қалыпты режимге оралып, тамыз айында өтті. Турнир форматы өзгерген жоқ. Командалар үш топқа бөлінді. «А» тобының матчтары «Қарағанды-Аренада» өтті, «В» тобының ойындарын Көкшетау қабылдады, ал Астана «С» тобының матчтарын қабылдады.

«Сарыарқа» хоккейшілері тағы да шеберлік көрсетіп, «Құлагерді», «Теміртау» мен «Ертісті» шаң қаптырып, жартылай финалға сенімді түрде кірді.

Көкшетауда алаң иелері жартылай финалға өте алмады: өз тарихында беделді кубокті алу үшін барын салған «Бейбарысқа» жол берді. Батыстық клубқа «Алматы» мен «Алтай-Торпедо» да бәсекелес бола алмады.

«С» тобынан жартылай финалға екі ұжым шықты. Олар – өскемендік «Торпедо» мен «Ақтөбе». «Номад» пен «Горняк» топтық кезеңнің қорытындысы бойынша Кубокпен қош айтысты.

Жартылай финалда біз батысқазақстандық жұпты көрдік. Матчтың тағдырын үшінші кезеңнің соңғы 10 минуты шешті. 51-ші минутта Илья Ковзалов командалардың арасындағы шайбалар үнсіздігін бұзып, «Ақтөбе» үшін маңызды шайбаны салды. Ал ойынның 57-ші минутында ойынның нәтижесі белгілі болды. «Бейбарыстың» экс-шабуылшысы Вадим Митряков өзінің бұрынғы клубына жалынды сәлем жолдады – 2:0. «Ақтөбе» өз тарихында алғаш рет ел кубогінің финалына жолдама алды.

1/2 финалдың басқа матчында өткен жылғы финал қатысушылары кездесті. «Сарыарқа» «Торпедомен» ойнады. Қарағандылықтардың осы матч барысында жеңіліп бара жатқанына қарамастан («Торпедо» форварды Никита Колобов көзге түсті), Леонид Тамбиевтің командасы ойын барысын өзгерте алды.

Денис Фёдоров, Владислав Кулиев және Вадим Зеленков салған голдар «сары-қараларға» Кубоктің кезекті финалына жолдама алып берді.

Шешуші матчта тағы да қарағандылықтар жеңіс тойын тойлады. Және жеңіске қиналмай жетті. Ақтөбелік хоккейшілері финалдық ойында екінші нөмірмен ойнауға тырысты. Алайда «Сарыарқаның» жойқын шабуылына төтеп беру қиын болды. Михаил Рахменов, Кирил Полохов, Вадим Зеленков және Денис Фёдоров салған шайбалар Қазақстан кубогінің сол кездегі иегеріне жеңіске жетіп, қатарынан екінші рет кубокті төбесіне көтеруге мүмкіндік берді.

Қазақстанның хоккей федерациясы турнирдің үздік қақпашы деп Денис Каратаевты («Сарыарқа»), үздік қорғаушы деп Сергей Егоровты («Ақтөбе»), үздік шабуылшы деп Илья Ковзаловты («Ақтөбе»), үздік жас ойыншы деп Иван Зинченконы («Ақтөбе») атады. Өткен ойынның үздік бомбардирі Михаил Рахманов ("Сарыарқа") болды.

Қазақстан кубогі 2022

Өткен жылы Қазақстан кубогіне алғаш рет өзбекстандық команда қатысты. Ташкенттік «Хумо» ресми түрде қазақстандық командалар қатарына қабылданды.

Турнир стандартты схема бойынша өтті. Елдің үш қаласы (Қарағанды, Астана және Алматы) турнирдің топтық кезеңдерін қабылдады.

«А» тобында жартылай финалға шығу үшін алаң иелері «Сарыарқа», «Хумо», «Ақтөбе» мен «Құлагер» арасында қызу тартыс өтті. Ойындардың қорытындысы бойынша қарағандылықтарға сәттілік серік болып, «Хумо» мен «Ақтөбеден» бір балға артық жинады.

«В» тобының матчтары өткен Алматыда жартылай финалға «Арлан» аттанды. Көкшетаулықтар рудныйлық «Горнякқа» қарағанда бір ұпайға артық жинады. Әрі қарай кестеде «Алматы» мен «Торпедо» жайғасты.

«Елордалық» «С» тобындағы кездесулер де қызық өтіп, үш ұжым бірдей ұпай жинады. «Номад», «Бейбарыс» пен «Ертіс» топтық кезеңнің қорытындысы бойынша 4 ұпайға ие болды. Нәтижесінде, қосымша көрсеткіштер бойынша жартылай финалға «Ертіс» шықты.

Екінші орын алғандар ішінен «Горняк» үздік атанып, «сары-қаралар» да 1/2 финалға жолдама алды.

Бірінші жартылай финалда «Арлан» «Горнякты» 7:0 есебімен ойсырата жеңді, ал екінші матчта «Сарыарқа» «Ертіспен» тартысты ойын өткізді. Есеп– 7:5.

«Сарыарқа» мен «Арлан» арасындағы финалдық матчты көпшілік демін ішке тарта күтті. Өткен жылғы плей-офф финалистері бір-бірімен ел кубогінің финалында жолықты.

Андрей Лагуновтың дублі мен Александр Ананичевтің шайбасы «Сарыарқаға» қатарынан үшінші Республика кубогін сыйға тартты!

Қазақстан кубогінің ұйымдастырушылар комитеті өткен турнирдің қорытындысы бойынша үздік ойыншыларды атады.

Үздік қақпашы - Максим Грязнов ("Арлан")

Үздік қорғаушы - Иван Степаненко ("Арлан")

Үздік шабуылшы - Андрей Лагунов ("Сарыарқа")

Үздік жас ойыншы - Всеволод Логвин ("Номад")

Турнирдің үздік бомбардирі барлығы 8 (5+3) ұпай жинаған Диас Атаханов («Ертіс») болды.

ВКонтакте, Инстаграм < Бізге қосылып, Pro Hokei Ligasy жаңалықтарын өзіңізге ыңғайлы платформалардан оқыңыз.