Қазақстан Кубогі - 2015. Тарихы мен фактілері.

Аталмыш турнир Қазақстанның хоккей картасында жаңа клубтың пайда болуымен ерекшеленді. Петропавлға үлкен хоккей келіп, «Құлагер» командасы құрылды.

«Сарыарқаның» фарм-клубы – «Бүркіт» атауын «Теміртау» деп ауыстырып, аттас қалаға қоныс аударды.

Атауын Өскеменнің екінші командасы да ауыстырды. «Торпедоның» орнына шығысқазақстандықтар ШҚО деп атала бастады.

Жарыстарға екі топқа бөлінген 10 ұжым қатысты.

«А» тобының матчтарын Көкшетау қабылдады. Алаң иелері «Арланнан» басқа ел кубогінің финалыну шығу үшін «Бейбарыс», «Теміртау», ШҚО мен «Алматы» тартысты.

Топтық кезеңнің қорытындысы бойынша көкшетаулық «Арлан» өзінің финалға лайықты екеніне күмән келтіртпеді. Көкшеліктер 4 матчта 4 рет жеңіске жетіп, салынған және өткізілген шайбалар айырмашылығы 15:3 болды.

Кестедегі екінші қатар және нәтижесінде үшінші орын үшін матчқа қатысу «Теміртаудан» бір балға озған атыраулық «Бейбарысқа» бұйырды.

«В» тобының матчтары Астанада өтті. Елордалық "Астана" және "Номад" ұжымдарынан басқа, мұнда "Ертіс", "Құлагер" және "Горняк"хоккейшілері де болды.

Осы топтың матчтарында осы турнир тарихындағы матчтың негізгі уақытында тең ойын саны бойынша рекорд орнатылды. "В" тобының матчтарының дәл жартысы қосымша уақытта немесе буллиттер сериясында аяқталды. Әрине, бұл командалардың жарыстың шешуші кезеңіне өтуге деген үлкен талпынысын білдіреді.

Алайда, бұл ұтыс ойынында бәрі мұзда шешілген жоқ. Рудныйдың "Горняк" командасы матчтан кейінгі соққыларда жеңіп, финалға павлодарлық хоккейшілер аттануы тиіс еді. Алайда Ертіс жағалауындағы клуб регламентті бұзып, бес жас ойыншының орнына «Горнякқа» қарсы ойынға төртеуі мәлімделді. Нәтижесінде рудныйлықтардың наразылығы қабылданып, қаралды және қанағаттандырылды. Бұл ойында жеңіс «Горнякқа» беріліп, Евгений Зиновьевтің шәкірттері финалға өтті.

Үшінші орын үшін матчта бір жыл бұрынғыдай «Бейбарыс» пен «Номад» кездесті. Бұл жолы Александр Истоминнің ұжымы сенімді түрде қарымта қайтарды. Сол кездесу батысқазақстандық клубтың пайдасына 5:1 есебімен аяқталды.

2015 жылғы Қазақстан кубогінің финалында фаворит айқын байқалды. Қағаз жүзінде топтық кезеңде үлкен қиындықтар көрмеген «Арлан» тағы да жеңімпаз атанатындай көрінді. Алайда іс жүзінде турнир мүлдем басқаша өрбіді.

Бұл матчта екінші кезең шешуші болып, осы текетірестегі барлық шайбалар салынды. Дмитрий Демьянов пен Михаил Гавриловтың дөп соққылары «Горнякқа» өз тарихындағы екінші Қазақстан Кубогін сыйлады! «Арлан» құрамынан жалғыз голдың авторы Марко Виртала болды.

Кубок қорытындысы бойынша Қазақстанның хоккей федерациясы дәстүр бойынша турнирдің үздік ойыншыларын анықтады.

Үздік қақпашы Степан Горячевских ("Арлан"), қорғаушы Георгий Дульнев ("Бейбарыс"), шабуылшы Игорь Черкасов ("Горняк"), үздік жас ойыншы Иван Степаненко ("Номад") болды.

Сондай-ақ жарыстардың үздік арбитрлері анықталды. Үздік бас арбитр - Константин Чубенко. Үздік лайнсмен - Михаил Ступак.

Қазақстан кубогі-2015-тің үздік бомбардирі – 7 (3+4) ұпай жинаған Никита Михайлис ("Номад").

ВКонтакте, Инстаграм < Бізге қосылып, Pro Hokei Ligasy жаңалықтарын өзіңізге ыңғайлы платформалардан оқыңыз.