Снежные Барсы Ямалды жеңді, Сарыарқа Бейбарыстан басым түсті

Pro Hokei Ligasy командаларының қатысуымен кезекті бақылау матчтары болып өтті.

«Снежные Барсы» Челябинскідегі маусымалды турнирдегі алғашқы матчын жеңіспен бастады. Александр Истоминнің ойыншылары салехардтық «Ямалды» 4:1 есебімен жеңді. Елордалық ұжым құрамынан Кирилл Никитин дубль жасады, Егор Смольянинов пен Асанәлі Русланұлы бір-бірден гол салды. Ертең «Барыстар» орынборлық «Сарматтармен» ойнайды.

Қарағандыда «Сарыарқа» «Бейбарыспен» кездесті. Кездесу елдің қазіргі чемпионының сенімді жеңісімен аяқталды – 4:1. Алаң иелерінен Никита Анохин, Эдгарс Сиксна, Саян Данияр мен Данила Ларионов шайба салды. Атыраулықтардан Андрей Волгин жауап берді.

ВКонтакте, Инстаграм < Бізге қосылып, Pro Hokei Ligasy жаңалықтарын өзіңізге ыңғайлы платформалардан оқыңыз.