Торпедо нәтижелі кездесуде Құлагерді жеңді

Өскеменде Pro Ligasy чемпионатының қола жүлдесін анықтайтын серияның алғашқы матчы өтті.

Бұл қарсыласудағы алғашқы голдың авторы – бірінші кезеңнің ортасында басымдықты сәтті пайдаланған Эрик Алдабергенов болды.

Шешуші серпілісті алаң иелері екінші жиырма минуттықтың басында жасады: Дмитрий Гренц пен Диас Рысбеков 84 секунд аралығында бір-бірден шайба соқты. Бұған «Құлагер» бапкерлер штабы қақпашыны ауыстыру арқылы жауап берді – Денис Каратаевтың орнына Антон Осокин ойынға шықты. Алайда ол небәрі бір минуттан сәл аса уақыт қақпасын голдан аман сақтай алды – Александр Панченко петропавлдықтарды төртінші рет қапы қалдырды.

Қонақтар екінші үзіліске аз уақыт қалғанда ойынға қайта оралды – Владислав Пестовтың қақпасын Константин Двуреченский дәл көздеді. Дегенмен, соңғы кезеңде Андрей Корабейниковтің шәкірттері басымдықты сақтап, сенімді жеңіске жетті. Гренц дубль авторы атанды, сондай-ақ Никита Колобов пен Степан Рифель де мергендер қатарын толықтырды.

«Торпедо» - «Құлагер» 7:2 (1:0, 3:1, 3:1)

1:0 - 12:01 - Алдабергенов (Хорошев, Рахманов) ГБ

2:0 - 20:56 - Гренц (Алдабергенов)

3:0 - 22:20 - Рысбеков (Хорошев, Рифель)

4:0 - 23:37 - Панченко (Алдабергенов)

4:1 - 39:09 - Двуреченский (Комаров, Свинтальский)

5:1 - 44:05 - Колобов

6:1 - 49:36 - Рифель (Глухих, Каиров)

6:2 - 54:04 - Попитич (Воробьёв)

7:2 - 54:59 - Гренц (Мусоров, Боровиков)

Қақпашылар: Пестов - Каратаев (Осокин, 22:20-60:00)

«Торпедо» - «Құлагер» сериясындағы есеп: 1-0 (7:2)

ВКонтакте, Инстаграм < Бізге қосылып, Pro Hokei Ligasy жаңалықтарын өзіңізге ыңғайлы платформалардан оқыңыз.