Сарыарқа овертаймда Торпедоны жеңді

Өскеменде Торпедо пен Сарыарқа арасындағы жартылай финалдық текетірес жалғасты.

Қарағандылықтар есепті екінші кезеңнің басында ашты – Егор Кузьменко артық құрамда гол соқты. Алайда кейін алаң иелері екі нәтижелі шабуыл ұйымдастырды, олардың авторлары – Максим Мусоров және Дмитрий Гренц. Ұзақ уақыт бойы «Торпедо» минималды басымдықты сақтап тұрды, бірақ финалдық сиренаға 3 минутқа жуық уақыт қалғанда Эдуард Михайлов командаларды овертаймға жіберді.

Ойын екінші қосымша кезеңге барады деп көрінгенімен, 77-ші минутта Ярослав Хрипков голымен жеңімпаз анықталды. Енді қарсыластар сериядағы 1-1 есебімен Қазақстанның шахтерлер астанасына аттанады.

«Торпедо» - «Сарыарқа» 2:3 ОТ (0:0, 1:1, 1:1, 0:1)

0:1 - 25:58 - Кузьменко (Карабань, Лихотников) ГБ

1:1 - 32:13 - Мусоров (Рахманов)

2:1 - 44:35 - Гренц (Панченко, Алдабергенов)

2:2 - 56:39 - Михайлов (Степаненко, Карабань)

2:3 - 76:56 - Хрипков

Қақпашылар: Пестов - Кадочников

«Торпедо» - «Сарыарқа» сериясындағы есеп: 1-1 (6:2, 2:3 ОТ)

ВКонтакте, Инстаграм < Бізге қосылып, Pro Hokei Ligasy жаңалықтарын өзіңізге ыңғайлы платформалардан оқыңыз.