Арлан финалдың бірінші матчында Торпедоны ойсырата жеңді, Санников хет-трик жасады

Көкшетауда хоккейден Қазақстан чемпионатының финалдық сериясы басталды.

Бірінші кезең алаң иелерінің пайдасына шешілді: қарсы қақпаның алдында жүз пайыздық сәт туғызды (Владислав Пестов көмектесті), ізінше артық құраммен бір гол салды. «Арланға» жүзеге асыру үшін бір минуттан астам уақыт қажет болды – финалдағы дебюттік шайбаның авторы көк сызықтан дөп түскен Фёдор Хорошев.

«Көкшеліктердің» жетістігін Степан Санников дамытты: қарсы шабуылда нүкте қойды. Үзіліске аз қалғанда Арсений Борисов үшінші рет қарсыласты күйіндірді.

Екінші кезеңнің басында көзге түскен Владислав Никулин «Торпедоның» бапкерлер штабын мұзға резервтегі голкипер Андрей Янковты шығаруға мәжбүр етті. Алайда қақпаны ол да қорғай алмады. Эпизодтардың бірінде Санников сәтті рикошетті пайдаланып, дубль жасады. Өскемендіктердің жетістігін Денис Чапоров пен Данил Парамонов жалғады.

Максим Мусоров пен Александр Панченконың дөп соққылары «торпедолықтарға» есеп алшақтығын сәл-пәл қысқартуға мүмкіндік берді, алайда нәтижеге бұл голдар әсер ете алмады. Ойынды Семён Буйван мен хет-трик жасаған Степан Санников қорытындылады. «Арлан» финалды сенімді жеңіспен бастады.

«Арлан» - «Торпедо» 9:2 (3:0, 3:0, 3:2)

1:0 - 07:39 - Хорошев (Архипов) ГБ

2:0 - 10:43 - Санников (Парамонов)

3:0 - 18:17 - Борисов (Волков)

4:0 - 24:01 - Никулин (Боровков, Борисов) ГБ

5:0 - 25:49 - Санников (Гопиенко, Парамонов)

6:0 - 26:26 - Чапоров (Преснов)

7:0 - 40:36 - Парамонов (Хорошев, Санников)

7:1 - 41:36 - Мусоров (Акмальдинов)

7:2 - 44:37 - Панченко (Лагунов)

8:2 - 53:04 - Буйван (Михайлов, Никулин) ГБ

9:2 - 59:52 - Санников (Парамонов, Волков)

Қақпашылар: Кудрявцев (Мейдер, 53:04-60:00) - Пестов (Янков, 24:01-60:00)

«Арлан» - «Торпедо» сериясындағы есеп: 1-0 (9:2)

---

ВКонтакте, Инстаграм < Бізге қосылып, Pro Hokei Ligasy жаңалықтарын өзіңізге ыңғайлы платформалардан оқыңыз.