Қараша айының үздік ойыншылары

Хоккейден Қазақстан чемпионатының үшінші ойын айын қорытындылайық.

Үздік қақпашы – Матвей Ершов («Ақтөбе»)

Батысқазақстандық команда айды жақсы өткізді: мүмкін болған 20 ұпайдың 13-ін жинап, плей-офф аймағында бекіді. Бұл кезеңдегі «Ақтөбе» көшбасшыларының бірі – өзінің алты матчының төртеуінде жеңіске жетіп, біреуінде құрғақ жеңген Матвей Ершов. Ол соққылардың 94,76 пайызына тойтарыс беріп, орта есеппен 1,84 шайба өткізді. Бұл ретте Ершов мұзда 359 минут және 55 секунд өткізді – бұл лиганың барлық қақпашылары арасындағы екінші көрсеткіш.

Үздік қорғаушы – Владислав Арбузов («Ақтөбе»)

Өз командасына Владислав Арбузов айтарлықтай көмектесті: қарашада ол оның алдындағы екі айды қосқандағыға қарағанда көбірек нәтижелі әрекет етті. Оның есебінде +2 пайдалылық көрсеткішімен 4 салынған шайба (олардың біреуі жеңіс әкелді) мен 4 пас бар. Қарсыластың 7 соққысын бұғаттап, қарсы қақпаға 31 соққы жасады.

Үздік шабуылшы – Евгений Степанов («Горняк»)

Рудныйлықтардың шабуылшысы жарақаттан кейін қатарға қосылып, қараша айында чемпионаттың ең нәтижелі ойыншысы атанды. Бұл кезеңде Степанов орта есеппен әр ойында екі балдан артық жинады (7 матчта 4+11), әрбір кездесуде Евгений нәтижелі іс-қимылмен көзге түсті. Жекпе-жектердің бірінде форвард өз есебіне 6 балл жазды. Пайдалылық көрсеткіші +10-ды құрады.

Қазан айының үздік ойыншылары

Қыркүйек айының үздік ойыншылары

ВКонтакте, Инстаграм < Бізге қосылып, Pro Hokei Ligasy жаңалықтарын өзіңізге ыңғайлы платформалардан оқыңыз.