Номад Ақтөбемен серияда есеп ашты, Сарыарқа Көкшетаудан жеңіссіз қайтты

Астана мен Көкшетауда жартылай финалдық сериялардың матчтары өтті.

Елордалық ұжым кездесудің бастапқы минуттары тамаша өткізіп, жайлы есеп алшақтығын жылдам орнатты. Мади Диханбек көк сызықтан нәтижелі шабуыл жасады. Ал көп ұзамай қонақтардың қақпасына екінші шайба аттанды. Оны Никита Колобов салды.

Екінші кезеңде Владислав Арбузов үшін оңтайлы сәт туды, алайда «Ақтөбе» қорғаушысының шайбасы штангаға тиді. Ал «көшпенділер» үшінші кезеңнің соңындағы өз мүмкіндіктерін қалт жібермеді. Николай Шульга команданы алға сүйреп, жеңімпаздың кім болатынын айқын етті. Финалдық ысқырыққа бес секунд қалғанда Никита Потапов матч бойы 17 соққыға тойтарыс берген Никита Бояркинге «құрғақ» жеңіске жетуге мүмкіндік бермеді. Фёдор Полищуктің ойыншылары жартылай финалдағы жеңістерінің есебін ашты.

«Номад» - «Ақтөбе» 3:1 (2:0, 0:0, 1:1)

1:0 - 01:21 - Диханбек (Шульга, Колесников)

2:0 - 05:24 - Колобов

3:0 - 57:16 - Шульга (Королёв, Шайхмедденов)

3:1 - 59:55 - Потапов (Митряков, Исмагилов) ГБ

Қақпашылар: Бояркин - Каратаев

«Номад» - «Ақтөбе» сериясындағы есеп: 1-0 (3:1)

Көкшетаудағы кездесу қонақтар құрамындағы қатарынан екі аластатудан басталды, олардың біріншісі бес минутқа созылды. «Арлан» бұл жағдайды сауатты пайдаланып, алдымен «4-ке 5», содан кейін «3-ке 5» форматында ерекшеленді. Сұрмергендер Эдгарс Сиксна мен Андрей Павленко өз есептерін толықтырды.

Қарағандылықтар сериядағы алғашқы голын алтыншы кезеңнің басында ғана салды. Сергей Кудрявцевтің қақпасын Александр Коннов ашты. Алайда әрі қарай алаң иелері екпінді кезең көрсетіп, сериядағы екінші жеңісті қамтамасыз етті.

«Арлан» - «Сарыарқа» 6:2 (2:0, 0:0, 4:2)

1:0 - 03:06 - Сиксна (Никулин) ГБ

2:0 - 05:52 - Павленко (Гренц, Оксентюк) ГБ

2:1 - 40:54 - Коннов (Баженов)

3:1 - 41:03 - Буяльский (Павленко, Шевченко)

4:1 - 46:59 - Лихотников

5:1 - 52:04 - Степаненко (Гренц, Хорошев)

5:2 - 54:27 - Злобин (Симонов, Сайко)

6:2 - 54:38 - Дюкарев (Железнов, Оксентюк)

Қақпашылар: Кудрявцев - Кадочников (Коваль, 52:04-60:00)

«Арлан» - «Сарыарқа» сериясындағы есеп: 2-0 (2:0, 6:2)

---

ВКонтакте, Инстаграм < Бізге қосылып, Pro Hokei Ligasy жаңалықтарын өзіңізге ыңғайлы платформалардан оқыңыз.