Беляевтің хет-тригі, Ақтөбедегі 12 шайба мен буллиттер, Хумо жеңілістер сериясын үзді

Қазақстан чемпионатының кезекті ойын аптасы үш жекпе-жекпен ашылады.

«Құлагер» өз алаңында «Сарыарқаны» айтарлықтай сенімді түрде жеңді. Петропавлдықтар шайба тасталған сәттен бастап матчты өз бақылауында ұстап, өзінің ұпай қоржынын толтырды. Енді Ильгиз Нуриевтің ойыншылары плей-офф аймағынан бес балға қалып келеді. «Құлагердің» жаңа ойыншысы Герман Грачев дубль жасады.

«Құлагер» - «Сарыарқа» 5:1 (1:0, 2:1, 2:0)

1:0 - 03:39 - Казаченко (Коваленко, Святына)

2:0 - 24:34 - Грачев (Ревацкий, Сергушкин)

2:1 - 25:48 - Зайцев (Григоренко) ГБ

3:1 - 30:32 - Сергушкин (Черевач, Ревацкий) ГБ

4:1 - 49:51 - Черевач (Потапов, Лызин)

5:1 - 55:27 - Грачев (Ревацкий, Черевач)

Қақпашылар: Кадочников (Осипов, 56:28-60:00) - Ибрагимов (Коваль, 52:13-60:00)

«Ақтөбе» мен «Горняк» батыс қазақстандық жұртшылықты қуантып, нәтижелі шабуылдар мен болжап болмайтын ойын соңына куә етті. Негізгі уақытта қарсыластар бір-бірін алты реттен түйреді. «Ақтөбенің» форварды Леонид Беляев барлығынан озып, өз есебіне үш гол салды. Нәтижесінде жеңімпаз тек буллиттер сериясына анықталды – екі балды өз есебіне алаң иелері жазды. Шешуші соққының авторы – Вадим Митряков.

«Ақтөбе» - «Горняк» 7:6 Б (2:2, 3:4, 1:0, 0:0, 1:0)

0:1 - 01:09 - Шишов (Катков, Селютин)

1:1 - 05:26 - Шапорев (Петросян, Гайсин) ГБ

2:1 - 07:48 - Беляев (Исмагилов, Попитич)

2:2 - 19:28 - Скатов (Юлбарисов, Куршук) ГБ

2:3 - 22:43 - Лазарев (Гавриленко, Маркабаев)

3:3 - 24:58 - Беляев (Попитич)

3:4 - 26:07 - Войтко (Утебаев, Буб)

3:5 - 28:28 - Садиков (Катков) ГМ

4:5 - 29:17 - Кучин (Петросян, Шапорев) ГБ

4:6 - 34:00 - Маркабаев (Воронин, Войтко)

5:6 - 38:03 - Гурин (Коев, Зизевских)

6:6 - 41:15 - Беляев (Исмагилов, Поленов)

7:6 - 65:00 – Митряков ПБ

Қақпашылар: Микушин (Ершов, 28:28-65:00) - Тихонов

«Хумо» «Бейбарысты» минималды есеппен жеңіп, өзінің сәтсіздіктер сериясын үзді. Жалғыз және шешуші шайбаны ойынның төртінші минутында көзге түскен Вадим Щегольков салды. Матчтың басты қаһарманы – өзі үшін жаңа команда құрамындағы алғашқы ойында-ақ қақпаға бағытталған 31 соққыға тойтарыс беріп, «құрғақ» жеңіске жеткен ташкенттіктердің жаңа ойыншысы Тимур Мейдер.

«Бейбарыс» - «Хумо» 0:1 (0:1, 0:0, 0:0)

0:1 - 03:27 - Щегольков (Синявский)

Қақпашылар: Смирягин - Мейдер

ВКонтакте, Инстаграм < Бізге қосылып, Pro Hokei Ligasy жаңалықтарын өзіңізге ыңғайлы платформалардан оқыңыз.