PRO
JAS
QYZ
TUN
Биылғы маусымдағы Қазақстан кубогының ұтысы 27 қаңтар мен 2 ақпан аралығында үш қалада өтеді.
Алдағы турнирде жеңіс үшін PRO HOKEI LIGASY-ның 12 командасы күреседі. «Parimatch – 2021 жылғы хоккейден Қазақстан кубогының» қатысушылары өткен маусымның рейтингісіне (*) сәйкес, 3 топқа бөлінеді. Естеріңізге сала кетейік, Қазақстан кубогының қазіргі иегері – «Алтай Торпедо» (Өскемен).
«А» тобының матчтары Көкшетауда өтеді, «В» тобының командалары Павлодарда ойнайды, «С» тобын Қарағанды қабылдайды.
А тобы: (1*) «Арлан» Көкшетау, (6) «Құлагер» Петропавл, (7) «Теміртау», (12) «Номад» Нұр-Сұлтан.
B тобы: (2) "Ертіс" Павлодар, (5) "Алтай Торпедо" Өскемен, (8) "Ақтөбе", (11) "Торпедо" Өскемен.
С тобы: (3) "Алматы", (4) "Бейбарыс" Атырау, (9) "Горняк" Рудный, (10) "Сарыарқа" Қарағанды.
Алғашқы кезеңде ұжымдар айнала ойнайды. Топ жеңімпаздары автоматты түрде турнирдің ақтық кезеңіне өтеді. Оларға қарсы өз тобында екінші орын алған үздік команда ойнайды.
Ары қарай командалар жартылай финалдық жұп құрып, олардың жеңімпаздары бас жүлде үшін күреседі. Жартылай финалда жеңілген командалар үшінші орын үшін таласады. «Parimatch – 2021 жылғы хоккейден Қазақстан кубогының» ақтық кезеңі Қарағандыда өтеді.
Айтып өтетін жайт, PRO HOKEI LIGASY хоккейден Қазақстан чемпионатының бас демеушісі «Parimatch» букмекерлік компаниясы Ел кубогының басты демеушісі болып, алдағы үш маусымда турнир «Parimatch – Хоккейден Қазақстан кубогы» деген атауға ие болады.
Қазақстан Кубогының жаңа логотипі көптеген жылдар бойы әлемдік спорттық графикалық дизайндағы актуалды бағыттар стилінде әзірленді. «Parimatch – Хоккейден Қазақстан кубогының» логотипі ойынның динамикасын байқатады, сонымен қатар Қазақстандағы хоккейді дамытып, қолдап келе жатқан екі ұйымның серіктестігін айқындайды. Турнир атауының жазылуы қазақша латын қарпімен жасалды, бұл ұлттық хоккей турнирін сипаттайды. Логотиптің ортасында күш-жігер мен мақсатқа деген ұмтылысты білдіретін хоккейшінің қимыл үстіндегі сұлбасы бейнеленген.